نكت مصرية اخر حاجة :- مبوصلش فرافير , شريط تامر البايظ , هات شوارما , شنطة المصرية

نكت مصرية

مبوصلش فرافير

سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية
قالة انا الفرفور الاحمر و عايز توصلنى فقالة لا مبوصلش فرافير
و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى
فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية
فالسواق سابة و مشى شو ية كمان كدة
و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك.

-----------------------------------------------------------------------------------

شريط تامر البايظ

محشش اشتري شريط تامر .. وطلع الشريط بايظ ..
حطو في الكاسيت وشوية الاغنية إبتدت تقطع! اتغاظ المحشش وراح باصص للكاسيت وقال: تامر وحياة ابوك لومش حافظ الاغنية خليك ساكت....

-----------------------------------------------------------------------------------
هات شوارما

واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح ... قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك

-----------------------------------------------------------------------------------
شنطة المصرية

الأشياء الموجودة في شنط الستات حسب الجنسية:

الفرنسية: مرطب شفايف, كريم يدين, لبان, واقي شمس!
اليابانية: علبة مكياج صارخ, موبيل آخر موديل, مفاتيح سياره!
الامريكية: حزمة دولارات, صاعق كهربائي,عطر مركز
المصريـــــه بقه خد عندكـــ::
اوراق مستشفى
روج مالوش غطاء
اربعه جنيه موصلات
قلم كحل صغير مبري من الجهتين
شريط بنادول فاضل فيه حباية
بقايا كيس شبسى في اخر الشنطة
كيس مناديل قديم ومتبهدل و فيه مندلين
محتويات أخرى مجهولة الهوية..جاري التعرف عليها!

ههههههههههههههههههههههههههه
كتيييييييييييير حلوين يسلم ايديك بموتو ضحك